Duzdağ Fizioterapiya Mərkəzində astma müalicəsi

Duzdağ Fizioterapiya Mərkəzinə astma müalicəsi  üçün müraciət edən xəstələr 3-4 gün müddətinə yerüstü hissədə adaptasiya olunurlar. Bundan sonra 22:00-dan  8:00-a qədər böyüklər 14-21 seans, 14:00-dan 19:00-a  qədər uşaqlar 10-14 seans olmaqla spleoterapiya müalicəsi alırlar. Bu müddət xəstəliyin ağırlığından, xəstənin səhhətinin vəziyyətindən, spleoterapiyaya gəlməsi müddətindən asılı olaraq dəyişilə bilər. Şaxtada olmaqla bərabər, lazım gələrsə, bəzi dərman preparatları, fizioterapevtik proseduralar, müalicəvi bədən tərbiyəsi, döş qəfəsinin massajı aparılır. Mümkün qədər az dərman preparatları təyin edilir. Əgər xəstə hormonal preparatları qəbul edərsə, onun qəbulu tədricən azaldılır.